বিজয়া দশমী উপলক্ষে অৰ্ডনেন্স ফেক্টৰী ব’ৰ্ড ভংগ হোৱাৰ পিছত অন্তৰ্ভুক্ত কৰা সাতটা নতুন প্ৰতিৰক্ষা ৰাজহুৱা খণ্ডৰ প্ৰতিষ্ঠান আনুষ্ঠানিকভাৱে আজি মুকলি কৰে প্ৰধানমন্ত্ৰী নৰেন্দ্ৰ মোডীয়ে।মুকলি কৰি তেওঁ কয় যে “ভাৰতে স্বাধীনতাৰ ৭৫ বছৰত প্ৰৱেশ কৰাৰ লগে লগে আমি দীৰ্ঘদিন ধৰি আৱদ্ধ হৈ থকা প্ৰকল্পসমূহ সম্পূৰ্ণ কৰি আছো। সাতটা নতুন কোম্পানীৰ শুভাৰম্ভ, ৪১ টা অৰ্ডনেন্স কাৰখানা পুনৰ নিৰ্মাণৰ সিদ্ধান্ত সেই যাত্ৰাৰ এটা অংশ। এই সিদ্ধান্তটো যোৱা ১৫-২০ বছৰ ধৰি স্থগিত আছিল। মই নিশ্চিত যে এই সাতটা কোম্পানী অনাগত সময়ত ভাৰতৰ সামৰিক শক্তিৰ এক মুখ্য আধাৰ হৈ পৰিব।”
আজি, প্ৰতিৰক্ষা খণ্ডত আগতকৈ অধিক স্বচ্ছতা, বিশ্বাস আৰু প্ৰযুক্তি-চালিত দৃষ্টিভংগী আছিল। যোৱা পাঁচ বছৰত প্ৰতিৰক্ষা ৰপ্তানি ৩২৫ শতাংশ বৃদ্ধি হৈছে। যদিও প্ৰতিযোগিতামূলক ব্যয় হৈছে আমাৰ শক্তি, মানদণ্ড আৰু নিৰ্ভৰযোগ্যতা আমাৰ পৰিচয় হ’ব লাগে এই কথা তেওঁ দৃঢ়তাৰে কয়।প্ৰতিৰক্ষা মন্ত্ৰালয়ে ও.এফ.বি.-ৰ ৪১ টা কাৰখানাৰ সৈতে সকলো অমীমাংসিত আদেশক নতুন কোম্পানীবোৰৰ বাবে ৬৫,০০০ কোটি তকৈ ওপৰৰ বিবেচিত চুক্তিলৈ ৰূপান্তৰ কৰিছে। লগতে সিদ্ধান্ত লৈছে যে ইণ্ডেণ্টবোৰৰ বাৰ্ষিক মূল্যৰ ৬০ শতাংশ সেৱাসমূহে নতুন ডিপিএছইউবোৰক পৰিশোধ কৰিব কিয়নো ২০২০-২১ বিত্তীয় বৰ্ষৰ লক্ষ্যৰ বিপৰীতে একত্ৰিত অগ্ৰগতি হৈছে যাৰ পৰিমাণ হৈছে ৭,১০০ কোটি।উৎপাদন গোটৰ অন্তৰ্ভুক্ত ও.এফ.বি.-ৰ ৭০,০০০ ৰো অধিক কৰ্মচাৰী আৰু লগতে চিনাক্ত কৰা অনা-উৎপাদন গোটবোৰক আৰম্ভণিতে দুবছৰৰ বাবে কোনো ডেপুটেচন ভাট্টা অবিহনে বৈদেশিক সেৱাৰ চৰ্তাৱলীত নতুন ডি.পি.এছ.ইউ.লৈ একেলগে স্থানান্তৰ কৰা হৈছে।
